“Улаанбаатар марафон 2026” арга хэмжээ, “Автомашингүй өдөр” маргааш (V.23) тохионо. Марафоны үеэр 06-18 цагийн хооронд хотын төвийн гол замуудын хөдөлгөөнийг бүрэн хязгаарлах юм. Тэгвэл энэхүү “автомашингүй өдөр” бидэнд хэрхэн нөлөөлдөг тухай олон улсын болон Улаанбаатар хотын сонирхолтой фактуудыг хүргэж байна.
-Дэлхийн хэмжээнд зөвхөн автомашинаас ялгарах агаарын бохирдлын улмаас жилд 184,000 хүн цаг бусаар нас бардаг
-Дэлхий дахинд автомашингүй хөтөлбөрүүдийг дэмжихэд зарцуулсан нэг доллар тутамд нийтийн эрүүл мэндийн зардлаас гурван доллар хэмнэдэг
-Томоохон хотуудын газар нутгийн 15-30 хувийг зөвхөн машины зогсоол эзэлдэг
-Улаанбаатар хотын агаарын нийт бохирдлын (цахилгаан станцуудыг хасаад тооцвол) 29 хувийг автомашины утаа бүрдүүлдэг
-Автомашингүй өдрүүдээр хязгаарлалт тогтоосон бүсүүдэд азотын давхар исэл зэрэг хорт хийн хэмжээ 3.3-6 дахин буурдаг
-“Автомашингүй өдөр” хүмүүсийн алхалтын хугацаа энгийн өдрийнхөөс 51 хувиар өсдөг.
Хүн эхний 10 минут алхахад стрессийн даавар буурч, ажлын ачаалал тайлагддаг бол 30 минут алхсанаар бие өөрийн нөөц энерги болох өөхийг шатааж эхэлдэг. Харин алхалтын хугацаа 60 минут болон нэмэгдэхэд допамин, серотонин дааврууд ихээр ялгарч, зүрх судас, сэтгэлийн хямралд өртөх магадлал эрс буурдаг байна.
Олон улсад жил бүрийн есдүгээр сарын 22-ны өдрийг “Автомашингүй өдөр” болгон тэмдэглэдэг бол Улаанбаатар хот энэхүү өдрийг тав, есдүгээр саруудад тэмдэглэж байна. Автомашингүй өдрөөр дэлхий дахинд ойролцоогоор 100 сая гаруй иргэн автомашинаас татгалздаг ажээ.
