“Ногоон барилгын хүрээлэн” төрийн бус байгууллагаас тус семинарыг зохион байгуулсан бөгөөд ногоон барилга түүний үнэлгээний систем, хот байгуулалт, ногоон барилгад шаардлагатай эрчим хүчний ялангуяа сэргээгдэх эрчим хүчний шийдлүүд барилгын тогтвортой ногоон байдал дахь сэргээгдэх эрчим хүчний хэрэглээ зэрэг сэдвүүдээр салбарын чадавхийг бэхжүүлэхийн тулд оролцогчид мэдлэгэээ хоорондоо нээлттэйгээр солилцох, хэлэцүүлэг өрнүүлэх хэлбэрээр сар бүр гишүүн байгуулагууд болон олон нийтэд зориулан семинари зохион байгуулдаг байна. “Ногоон барилгын хүрээлэн” ТББ-ын ерөнхийлөгч А.Ундраа семинарийг нээж хэлсэн үгэндээ “Ногоон барилгын чухал нөлөөлөл үр дүн бол цэвэр ус, эрчим хүчний хэмнэлт, сэргээгдэр эрчим хүчийг хэрэглэх, газар хөдлөлтийн тэсвэржилттэй барилга барихад оршиж байна” хэмээн онцолсон юм. Семинарт карбон зах зээлийн мэргэжилтнүүд, барилгын инженерүүд оролцож эрчим хүчний хэмнэлттэй дулаан халаагуурын шийдлүүд, монгол гэрт зориулсан сэргээгдэх эрчим хүч бүхий дулаан халаагуурын ашигтай загвар, барилгын ухаалаг эрчим хүч болон сэргээгдэх эрчим хүчийг хэрэглэх нь зэрэг сэдвүүдээр илтгэл тавьж хэлэлцүүлэг өрнүүлэн санал солилцлоо. Оролцогчил Цонжинболдог дахь Ултра Грийн ресорт амралтын Цо Цо1 төслийн объектуудтай танилцсан юм. Тус амралт нь өөрсдийн хэрэглэсэн ахуйн бохир усыг бүрэн цэвэршүүлж хөрсөнд шингээхээс гадна зүлэг модоо услахад зориулдаг байна.
