Монгол-Солонгосын “Ногоон хэрэм” манай улсад 2006 оноос эхлэн хэрэгжиж БНСУ-ын Засгийн газрын буцалтгүй тусламжийн 11.8 сая ам.долларын хөрөнгөөр Өмнөговь аймгийн Даланзадгад сум, Булган сумын нутаг дахь Баянзаг болон Төв аймгийн Лүн суманд нийт 45 га талбайд мод үржүүлгийн газар байгуулж, 3046 га талбайг ойжуулаад байна.
Төслийн гуравдугаар үе шат 2022 оноос эхэлж Өвөрхангай, Хөвсгөл, Сэлэнгэ аймгийг сонгож, мод үржүүлэг, түймрийн хяналтын системийг байгуулахаар болсон байна.
Төслөөр Арвайхээр хот орчимд 15 га талбай бүхий мод үржүүлгийн газар байгуулж, түүнийг түшиглэсэн ойжуулалт, цэцэрлэгжүүлэгчдийг бэлтгэх сургалтын төв, судалгааны талбайг байгуулжээ. Мөн орон нутгаасаа ажиллах хүчийг хангах юм.
“Ногоон хэрэм” төсөлд эрдэмтдийн баг ажилладаг учраас усны нөөц, ургамалжилтын бүх судалгааг хийж эхлээд байгаа юм байна.
