Цэвэрлэх байгууламж БНХАУ-ын Засгийн газрын хөнгөлөлттэй зээлээр 300 сая ам.долларын төсөвтэй 17,8 га талбайд автозам, явган хүний зам талбай, ногоон байгууламж бусад туслах барилга байгууламжаас бүрдсэн нийт 37 байгууламжтайгаар баригдаж байна. Төв цэвэрлэх байгууламж анх 1964 онд байгуулагджээ. Хоногт дунджаар 170 мянган шоо метр бохир ус хүлээн авах чадвартай ч Улаанбаатар хотын хэрэглээ 180-200 мянган шоо метр ус байгаа юм. Шинэ цэвэрлэх байгууламж ус дахин боловсруулах үйлдвэр, ус дамжуулах шугамын системийн хамт хоногтоо 400 мянган шоо метр бохир ус хүлээн авч 25 хувийг нь дахин боловсруулна. Өнөөдөр манай дулааны цахилгаан станцууд хөргөлтийн болон үнс зайлуулах, бусад техникийн усны хэрэгцээндээ гүний цэнгэг ус хэрэглэж байгааг халж дахин боловсруулсан саарал усыг ашиглаж эхлэх юм.
Статистик харах
Нийтлэлийг дэмжих
Таалагдлаа
Сэтгэгдэл
Хуваалцах
