Манай улсад 1750 га талбай бүхий мод үржүүлгийн 336 газар байна. Мод үржүүлгийн нэг газрын дундаж талбайн хэмжээ 5.2 га орчим. Тэдгээрт 2022 оны эцсийн байдлаар 51.6 сая тарьц, суулгац ургуулсны зэрэгцээ “Тэрбум мод’’хөдөлгөөний хүрээнд мод тарих, арчлан ургуулах чиглэлээр 1017 сургагч багш бэлтгэж, МУИС-д хоёрдогч бакалаврын зэрэг олгох “Ойн аж ахуй” хөтөлбөрийг шинээр нээж, 2022-2023 оны хичээлийн жилд 52 оюутан элсэн суралцсан байна. БХЯ, ХААИС хамтран давхардсан тоогоор 23.600 хүнд мод тарьж, ургуулах 40 цагийн сургалт, 120 хүнд сургагч багшийн сургалт, ШШГЕГ-тай хамтран 23.876 хүнд сургалтыг цахим, танхим, дадлага хослуулж явуулжээ. Цаашид ойн салбарт ойн мэргэжилтэн нилээд дутагдаж байгаа бөгөөд ирэх гурван жилийн хугацаанд 7000 гаруй мэргэжилтэй боловсон хүчин бэлтгэх шаардлагатай байна.
